(( تعالـوا نتعـاون في هـذا المشـروع ))

بسم الله الرحمن الرحيم

الســـــ عليكم ورحمة الله تعالى وبركاته ــــــلام


حبايبي اعضاء منتداي الغالي .. عندي موضوع اليوم وحابه الكل يشارك فيه



عندك ملابس قديمة ومو محتاجها ؟
ايه عندي ..

تدري أن في مسلمين وناس وايد فقراء فى امتنا ؟؟
ايه ادري...

تدري شو يعني انك تكون محروم وشايف الناس تلبس وعندها كل شي؟؟؟
جرب انك ما تلبس غير لبس واحد لمدة شهر... شهريين ... او سنة .. ابشو راح اتحس؟؟؟ احساس فظيع بالانكسار والحرمان والضيق ..
تقدر الحين اتحس فيهم و بحرمانهم ؟؟؟

تدري ان يوم القيامة راح ننحشر عراة؟
ايه عارف ..وخايف واااايد من الموقف هذا...

تقدر تتفادا الموقف هذا بانك تكسي مسلم وتدخل السرور على قلبه فى الدنيا .. الله يكسيك ويسترك يوم العرض عليه.

الملابس اللى عنك فى الخزانه سواء القديمة او اللى صارت صغيرة عليك او اللى موضتها قديمة old fashion ... وهى عنك قيمتها ايش....0 %

طيب نفس الملابس هذي لو وصلت لواحد محتاجها بتكون قيمتها ومقدار الاستفادة منها 100% ومش بس جذيه ..الله راح يكسيك ويسترك يوم القيامة ... ومو بس جذيه .. تدري انت اش قد مزعل الله عليك ..تعرف ان الصدقة تطفى غضب الله؟؟
وأخطر شي فى الموضوع هذا كله انك راح اتكون في موقف صعب جداً .. يوم راح توقف جدام الله عز وجل ويسألك ..
لماذا لم تستر اخوك المسلم فى الدنيا ؟ ألم اعطك ما يكفيك وزيادة لا رضاء منا عليك ولا سخط منا عليه..وانما لنرى ما تفعل بفضلى عليك .. وما تقدم ليوم لقائي..

بس جذيه؟ ... تبي تسوي شي بس مش عارف ؟

فى مشروع ضخم لجمع الملابس واعادة توزيعها على الفقراء فى الامة الاسلامية .. المشروع يتبناه برنامج صناع الحياة للاستاذ عمرو خالد .. وفى مجموعة من الشباب جزاهم الله خيراً فى كل مدينة و دولة تكفلوا بتوفير المكان لاستقبال الملابس منكم فى كل مكان ثم فرزه وتعبئته فى اكياس ثم تجميعها فى مكان مركزى للمشروع كله.

المطلوب منك....
1.افتح خزانة ملابسك.
2.اختار الملابس اللى ما تستعملها (خل في بالك ان الصدقةراح اتكون بيد الله قبل ما بتروح للمحتاج)
3.ادخل على الموقع وشوف اقرب مكان لتجميع الملابس فى مدينتك واتعب شوية ووصلهم الملابس .
4.بلغ كل اصحابك فى المدرسة او الكلية وكل جيرانك ومعارفك بالمشروع وممكن تجمع منهم وتاخد ثوابهم معاك.
5.انشر الموضوع هذا قد ما تقدر.
لمزيد من المعلومات:
jemiiyeteloulemamediouna@gmail.com